ҲАМДАРДЛИК
Ўзбекистон мусулмонлари идорасининг “Шамсуддинхон Бобохонов” нашриёт матбаа ижод уйи жамоаси Тошкент вилояти Тошкент тумани «Ҳасанбой ота» жоме масжиди имом ноиби, Қуръон хизматчиси, узоқ йиллар давомида дин ва миллат равнақи йўлида хизмат қилиб келган Яҳё қори домланинг вафоти муносабати билан устознинг оила аъзолари, яқинлари ва шогирдларига таъзия билдиради.
Аллоҳ таоло марҳум Яҳё қори домлани Ўз мағфиратига олсин, иймонларини саломат қилсин, дин ва ватан равнақи йўлида қилган солиҳ амалларини ўзларига ҳамроҳ этсин. Охиратларини обод этиб, жойларини Фирдавс жаннатларидан қилсин!
Ҳақ таоло устознинг аҳли оиласи, фарзанду аржумандлари ва яқинларига чиройли сабр бериб, бу мусибатларини яхшиликлар ила тўлдирсин.
Иннаа лиллааҳи ва иннаа илайҳи рожиъуун.