СЎЗЛАРИ НАФЛИ-ҲИКМАТ
Ўз тарихи, ўрни бор,
Чин маънода зиёкор,
Бизга маслакдош, ҳамкор
“Ислом нури”, “Ҳидоят”.
–
Қуръон, ҳадис, фиқҳ, тафсир
Исломда нодир дастур.
Ўрганинг, деб панд айтур
“Ислом нури”, “Ҳидоят”.
–
Улуғ зотлар ҳаётин,
Қолдирган бой меросин
Ёзар мазмун-маъносин
“Ислом нури”, “Ҳидоят”.
–
Кўркам тарихий жойлар
Сайёҳлар кўнглин чоғлар,
Дўстлик риштасин боғлар
“Ислом нури”, “Ҳидоят”.
–
Юртда тинчлик барқарор,
Ҳар ён обод, фусункор.
Дегай: “Мақсад устувор”, –
“Ислом нури”, “Ҳидоят”.
–
“Тафаккур”, “Тарбия”, “Сийрат” –
Сўзлари нафли-ҳикмат.
Покликка этур даъват
“Ислом нури”, “Ҳидоят”.
–
Муштарий фикрин қўллаб,
Қалбларга нурлар йўллаб
Кезгусидир юрт бўйлаб
“Ислом нури”, “Ҳидоят”.
Абдумутал ВАҲОБОВ
Андижон вилояти Балиқчи тумани