АҚШда расман коронавируснинг иккинчи тўлқини бошланди
АҚШда расман коронавируснинг иккинчи тўлқини бошланди. Бу ҳақда The Time нашри хабар қилди.
“Пайшанба куни 37 077 та коронавирус юқтириб олиш ҳолати аниқланди: бу пандемия бошланганидан бери кунлик ўсишнинг энг юқори кўрсаткичи”, – дейилган хабарда.
Техас, Калифорния, Флоридада кунлик ўсиш ҳолатлари бўйича рекорд қайд этилди.
Губернаторлар карантин чекловларини аста-секин юмшатиш бошлаганди.
Флорида губернатори Рон Десантиснинг сўзларига кўра, ҳолатларнинг ўсиши вирусга тест олиш сони кўпайганига боғлиқ. Аммо танқидчилар эса карантин чораларининг юмшатилиши – асосий роль ўйнади, деб ҳисоблашмоқда.
Эслатиб ўтамиз, сўнгги маълумотларга кўра, АҚШда 2,51 миллиондан ортиқ киши коронавирусга чалинган, 127 000 киши вафот этди.