«Улар борлиги учун муаммолар ошкор этиляпти». Шавкат Мирзиёев журналист ва блогерларга миннатдорлик билдирди
2020 йил 16 декабрь куни Шавкат Мирзиёев раислигида ўтказилган видеоселектор йиғилишда давлат раҳбари жамиятдаги муаммоларни кўтариб чиқаётгани учун ОАВ вакиллари ва блогерларга миннатдорлик билдирди. Бу ҳақда «Дарё» мухбири хабар бермоқда.
«Менга баландпарвоз гаплар ва рақамлар керак эмас. Жойлардаги раҳбарларнинг ишлари натижадорлигига ижтимоий тармоқларда халқимиз холис баҳо бермоқда. Тўғри, бу кўпчиликка ёқмаслиги мумкин. Аммо журналист ва блогерларимизга, раҳмат, улар борлиги ҳамда очиқлик туфайли муаммолар ошкор этиляпти, биз бундан хабар топяпмиз», — деди Ўзбекистон Президенти.