Ўзбекистон янгиликлари

Хабар. “Мотоциклни ўт олдиришдан”дан Марк Твенгача…

Чоп этилди Iyun 7, 2021 Хабар. “Мотоциклни ўт олдиришдан”дан Марк Твенгача…da fikr bildirishni o'chirish

Ўзбекистон мусулмонлари идораси «Шамсуддинхон Бобохонов» нашриёт-матбаа ижодий уйида нашриёт ижодий ходимларининг маҳоратини янада ошириш мақсадида 2021 йил 7 июнь куни «Медиа матн тайёрлашда онлайн инструментлардан фойдаланиш» мавзусида маҳорат сабоқлари бўлиб ўтди.

Машғулотни филология фанлари бўйича фалсафа доктори (PhD), таниқли журналист, моҳир таржимон ва дипломат Беруний АЛИМОВ олиб борди.

Дарс дастлаб “мотоциклни ўт олдириш”дан бошланди. Яъни, тўрт-беш киши туриб, биринчи одам мотоциклни ўт олдиради. Қолганлар уни кўрмай, бажарган хатти-ҳаракатларини такрорлаши керак. Бу ҳолат охирги одамга етиб боргунича ўртада нималардир тушиб қолади. Худди шундай хабар ёки мақолалар ҳам қулоқдан қулоққа ўтиб, нималаридир тушиб қолаверади.

Машғулотларда хабар, мақола ва очерк ёзиш усул ва услублари батафсил тушунтирилди. Инфографиканинг ўрни, визуал ёндашув ва бошқа масалалар баён этилди.

Марк Твеннинг: “Ёлғон уч хил бўлади: 1) оддий; 2) даҳшатли ва 3) статистика” деган сўзи мақолалар ёзишда кўпроқ статистикага мурожаат қиладиган мухбирларни ранжитган бўлса-да, аммо иссиқ ҳавода бўшашиб ўтирган иштирокччиларнинг юзига табассум туҳфа этди.

Маҳорат сабоқлари якунида берилган турли саволларга мутаахассис томонидан атрофлича жавоблар қайтарилди.

Т.Низом