Коронавируснинг янги мутациялари юлдузлар туркуми номлари билан аталиши мумкин
Жаҳон соғлиқни сақлаш ташкилоти (ЖССТ) SАРS-CоV-2 коронавирусининг янги штаммларини юлдузлар туркуми номлари билан аташни режалаштирмоқда, дея хабар берди DW ахборот агентлиги.
Бу ҳақда халқаро ташкилот эксперти Мария Ван Керкхове Британиянинг Тhe Тelegraph газетасига интервьюсида ҳам айтиб ўтган.
– Кўриниб турибдики, бизда юнон алифбосидаги ҳарфлар етарли эмас, шунинг учун биз навбатдаги номлар рўйхатини кўриб чиқаяпмиз, – деди у.
Мутахассиснинг фикрича, вирусларга қадимги юнон худолари номларини бериш тавсия қилинган эди, кейинчалик бу рад этилди.
Эслатиб ўтамиз, ЖССТ вирус манбасини жой номи билан аташда камситиш борлигини тан олган. Шу боис, 2021 йил май ойи охирида вируснинг янги мутацияси юнон алифбосининг 24 та ҳарфи билан номлана бошлади.
Хабарларга кўра, COVID-19ни келтириб чиқарадиган SARS-CоV-2 вируси бутун дунё бўйлаб 202 миллион одамда аниқланган. Ушбу инфекциядан 4 миллиондан ортиқ бемор вафот этди, 182 миллионга яқин киши соғайган.