Гўштли рулет
Керакли масаллиқлар: 1 килограмм ун, 750 грамм сут, 250 грамм маргарин, 4 дона тухум, 1 чой қошиқ шакар, 200 грамм ёғ, 2 ош қошиқ ачитқи, 3 чой қошиқ туз, 0,5 килограмм қийма, 2 дона пиёз.
Тайёрланиши: Қиймага пиёз, туз солиниб, товада бироз қовуриб олинади.
Тухумнинг оқини шакар билан аралаштириб, иссиқ сутга солинади. Сўнг, 2 стакан ун билан ачитқи солиниб, суюқ хамир қорилади ва 2 соатга музлаткичга қўйилади. Сўнг, суюқ хамир музлаткичдан олиниб, туз, ёғ, 3 та тухум сариғи ва ун солиниб, юмшоқ хамир қорилади. Хамирни 5 га бўлиб, ҳар бир бўлагини целлофанга ўраб, яна музлаткичга 1 соатга қўйилади. Сўнг, ҳар бир зувалани ёйиб, хона ҳароратида юмшаган маргариндан 50 граммдан суртилади.
Ёйилган хамирга қийма солиниб, ўралади. Газ печига ойсимон шаклда қўйилиб, устига тухум сариғи суртилиб, седана сепилади ва ўрта оловда 35-40 дақиқа давомида пиширилади.
Эслатма: тайёр зувалаларни музлатгичда сақлаган ҳолда эрталабки нонуштага биттадан пишириш мумкин.