Ҳадис илми мактабида Ал-Азҳар тажрибаси қўлланилмоқда
Ҳадис илми мактаби нуфузли олий талим муассасаларидан бири бўлиб, ўз талабаларининг илмий савияси ва малакасини Ал-Азҳар мезонларига университети тенглаштиришга катта эътибор қаратмоқда. Ал-Азҳарнинг икки нафар профессори бу ерда дарс беришга жалб этилгани ҳам шундан.
Дарслар ва тўгарак машғулотлари Ал-Азҳар услубига мувофиқ ташкил этилмоқда.
Мактаб ректори О.Юсупов бошчилигидаги махсус комиссия имтиҳон жараёнларини назорат қилиб бормоқда.
Ўқув йилининг биринчи ярми бўйича якуний назорат синовлари тўлиқ араб тилида бўлиб ўтмоқда. Бу мактаб билан Ал-Азҳар университетини янада яқинлаштиришга хизмат қилади.
Ҳозирги кунга қадар ўтказилган имтиҳон натижаларига кўра, талабаларнинг билим даражаси умумий талабнинг 90 фоизидан юқори кўрсаткични ташкил этмоқда.
Бир сўз билан айтганда, Ҳадис илми мактаби ўқитувчилари талабаларнинг билимини бойитиш, бу даргоҳ келажакда энг юқори натижаларга эришиши, том маънода ҳадисшунослик бўйича энг олий илм маскани мақомига эришиши учун барча имкониятларни ишга солмоқда.
azon.uz