Саломатлик

Жигарни тозаловчи ичимликлар

Чоп этилди Avgust 8, 2020 Жигарни тозаловчи ичимликларda fikr bildirishni o'chirish

Жигаримиз — бизнинг соғлигимиз. У қонни тозалайди, сафро ишлаб чиқаради, зарарли микроорганизмларга қарши курашади, гормонларни синтез қилади. Жигаримиз тунда яхши ишлайди, шу боис бу вақтдан самарали фойдаланиш керак, деб ёзади «Rambler».

Жигар билан боғлиқ муаммолар ўнг биқиндаги оғриқ, ортиқча вазн, овқат ҳазм қилиш муаммолари, терининг бузилиши ва доимий чарчоқ билан номоён бўлиши мумкин.

Уйқуга ётишдан олдин мойчечакли чой ичинг: у нафақат жигарни тозалайди, балки тинчланишга ва тезроқ ухлаб қолишга ёрдам беради.

Бунинг учун бизга 1 ош қошиқ қуритилган мойчечак гули ва бир стакан сув керак. Мойчечакни чой каби дамлаймиз ва 10 дақиқа дам едирамиз. Чойга  озроқ асал қўшиш мумкин.

2. Занжабил ва лимонли илиқ ичимлик организмни эфир мойи ва антиоксидантларга тўйинтиради. Жигар яхшироқ ишлайди, токсинларни чиқариб юборади ва тозаланади.

Бунинг учун бизга 3 сантиметр занжабил илдизи, бир нечта бўлак лимон, 2 стакан сув керак. Сувни қайнатиб, лимон ва занжабилни соламиз. Ичимликни 8 — 10 дақиқа паст оловда қайнатамиз ва совитамиз.

3.Сули қайнатмаси жигарни тозалаш ва моддалар алмашинувини яхшилаш хусусияти билан машҳур. Айниқса, узоқ касалликдан сўнг жигарнинг тикланиши учун фойдали.

Бунинг учун бизга 2 стакан қипиқли сули, 1 литр сув керак.Сулини яхшилаб ювамиз, лекин тозаламаймиз. Термосга солиб, устидан қайноқ сувни қуямиз. Дамлама 10 — 12 соат туриши лозим. Сўнгра фильтрдан ўтказиб, яхшилаб ювамиз ва термосга қуямиз. Устидан қайноқ сув қуйиб, 12 соат дам едирамиз. Фильтрдан ўтказилган ичимликни асал аралаштириб истеъмол қилинади.

4.Куркума ва олма сиркаси ҳазмни, шунингдек, жигар ва ўт пуфаги фаолиятини яхшилайди. Фақат бунинг учун уйда тайёрланган олма сиркасидан фойдаланиш лозим.

Бунинг учун бизга 1 ош қошиқ олма сиркаси, ярим чой қошиқ куркума, бир стакан сув, 1 чой қошиқ асал, 1 ош қошиқ апельсин шарбати керак.

 

“Dori-Darmon” АК Ахборот хизмати