Саломатлик

Саратонга чалинмасликнинг оддий усули исботланди

Чоп этилди Yanvar 31, 2020 Саратонга чалинмасликнинг оддий усули исботландиda fikr bildirishni o'chirish

Буюк Британия олимлари саратондан ҳимояланишнинг оддий усулини исботлади. Маълум бўлишича, чекишни ташлаш организмнинг ўпкадаги ўсимтадан ҳимояланишига ёрдам берар экан.

Тадқиқотчилар 16 та мижоз (улар орасида чекадиганлар, чекишни ташлаганлар, умуман чекмайдиганлар ва болалар бор) ўпкасининг биопсия натижаларини таҳлил қилдилар.

Таҳлил натижалари шуни кўрсатдики, тўқималар соғлом бўлса-да, чекувчиларнинг 10 та тўқимасидан 9 тасида чекмайдиганларникига қараганда 10 мингтагача қўшимча мутация юз берар экан. Бу ўзгаришлар бевосита тамаки тутунидаги кимёвий элементларнинг таъсири туфайли юз бериши айтилмоқда. Лат еган тўқималарнинг ҳар тўртинчиси ракни келтириб чиқарадиган битта мутацияга эга бўлиб чиқди. Бу чекмайдиганларга қараганда чекувчиларда зарарли ўсимтага дучор бўлиш хавфи юқори эканини исботлайди.

Аммо, ким чекишни ташлаган бўлса, уларда соғлом тўқималар тўрт баробар кўплиги маълум бўлди. Бу эса, узоқ вақт тамаки истеъмол қилганларнинг ушбу зарарли одатларини ташлашидан маъни йўқ, деган фикрни бутунлай рад этади, деганидир. Бундан келиб чиқадики, чекишни ташлаш ҳеч қачон кеч эмас.