БМТ 2021 йилга ном берди
Дунё аҳолисининг тез ўсиши фонида Бирлашган Миллатлар Ташкилотининг Озиқ-овқат ва қишлоқ хўжалиги ташкилоти мутахассислари мавжуд бўлган барча озиқ-овқат ресурсларидан фойдаланиш зарурлигини таъкидламоқда. Шу муносабат билан ташкилот 2021 йилни Халқаро мева-сабзавотлар йили деб эълон қилди.
Бу йил мева ва сабзавотларнинг озуқавий қиймати тўғрисида маълумот тарқатиш ва соғлом турмуш тарзини тарғиб қилишга бағишланади.
Сайёҳлик соҳаси ривожланган ва деярли барчада Интернетга кириш имкони бўлган глобаллашган дунёда кимнидир таниқли бўлмаган маҳсулотлари билан ажаблантириш жуда қийин. Бироқ, Бирлашган Миллатлар Ташкилотининг Озиқ-овқат ва қишлоқ хўжалиги ташкилоти маълумотларига кўра, кўпчилигимиз эшитмаган сабзавот ва меваларнинг ноёб, унутилган турлари мавжуд.
Бундан ташқари, ноёб экинлар юқори тижорат салоҳиятига эга ва агар улар учун мос бозор топилса, кичик фермер хўжаликлари учун даромад манбаи бўлиши мумкин.
Ташкилот веб-сайтидаги оммалаштириш мақсадга мувофиқ деб топилган мевалар рўйхатида улар орасида тиканли нок ёки кактус ноки, нон меваси, моринга, испан артишоки ва амарант каби нодир сабзавот ва меваларнинг турлари ҳам бор.
Аниқ.уз