Қозон қўлёзма Қуръони ниҳоят босмахонага юборилди
Қозон қўлёзма Қуръони асл нусхалари Қозон босмахонасига юборилди. “Идель-Пресс” даги босмахона шахсан Татаристон муфтийси Комил ҳазрат Самигуллин, Татаристон Республикаси мусулмонлари диний Бошқармаси (ТР МДБ) Қўлёзма Қуръонни тайёрлаш комиссияси раҳбари Шайх Маъмун ар-Равий, муфтий ўринбосари Ришат ҳазрат Ҳамидуллин ва хаттот Aртур Писаренконинг ўзи томонидан буюртма қилинган.
Татаристон Республикаси Диний бошқармаси хабар беришича, мусҳаф чоп этилаётган босмахонадаги барча ишчиларга фақат таҳоратдан сўнг ишлашга рухсат берилади ва улар бу жараён давомида оқ қўлқоп кийишади.
Қозон қўлёзма Қуръон мусҳафи замонавий Россиялик мусулмонларнинг энг сўнгги илмий ва илоҳиётшунослик ютуқларидан бири бўлиб, Россиянинг замонавий тарихидаги биринчи қўлёзма мусҳафидир. Татаристон Республикаси Мусулмонлари Диний Бошқармасининг (ТР МДБ) махсус тузилган комиссияси лойиҳа устида ишлади, таркибига Қозонлик мутахассислар, жумладан, хаттот (хаттот) ва Қуръон ҳофизи киради.
Россия Ислом тадқиқотлари институтининг “ан-Намир ал-Мухаттот” араб хаттотлиги ва ислом санъати маркази битирувчиси Aртур Писаренко, дунёга машҳур исломшунос, (БAA) Дубай амирлигидаги Қуръон карим қўлёзмасини нашрга тайёрлаш комиссияси раҳбари, Қуръон каримнинг 10 услубдаги қироати бўйича мутахассис ва Пайғамбаримиз Муҳаммад соллаллоҳу алайҳи ва саллам сулоласидан бўлган Шайх Маъмун Aр-Ровий комиссияга раҳбарлик қилиш учун тайинланди. Қуръон қўлёзмасини тайёрлаш ишларида комиссия аъзолари тегишли соҳадаги 11 та илмий манбага, шунингдек, бошқа кўплаб мусҳафларга таяниб, уларни энг аниқ деб ҳисобланганлари билан солиштирдилар. Натижада, Қозон мусҳафининг замонавий халқаро стандартларни, бутун дунё бўйлаб энг яхши хаттотлик амалиётларини ва ўз миллий анъаналаримизни ўзида мужассам этганлиги маълум бўлди. Ушбу Қуръонни ёзиш иши малакали хаттот ва Россия Ислом тадқиқотлари институтининг “ан-Намир ал-Мухаттот” араб хаттотлиги ва ислом санъати маркази битирувчиси Aртур Писаренко томонидан 2022 йилда бошланган ва 2024 йил ноябрь ойига қадар якунланган.
Илёсхон Аҳмедов тайёрлади.