1400 йилдан сўнг…
Туғиладиган болаларнинг насл-насаби аралашиб кетишининг олдини олиш мақсадида Японияда қонун қабул қилинди. У аёлнинг эридан ажрашганидан сўнг 100 кун давомида қайта (бошқа эркакка) турмушга чиқишини тақиқлайди…
Қуръони каримда эса XV аср олдин ушбу оят нозил қилинган: «Талоқ қилинган аёллар ўзларига қараб, уч ҳайз муддати (ўтишини) кутиб ўтирадилар. Агар улар Аллоҳга ва охират кунига ишонсалар, бачадонларида Аллоҳ яратган нарса (ҳомила ёки ҳайз)ни яширишлари ҳалол (иш) эмас» (Бақара сураси, 228-оят).
Бу тахминан 100 кунга тўғри келади. Ислом – буюк дин. Бундай қонун 1400 йил аввал жорий қилинган… Бу Ислом шариатидаги идда муддатига Япония қонунларидан бирининг ўхшашлигини кўрсатади.
Демак, Япониядаги янги қонунда ҳам аёлнинг ажрашгандан сўнг эҳтимолий ҳомиладорлик аниқ бўлишини ва фарзанднинг насаби аниқланишини таъминлаш мақсадида маълум муддат турмушга чиқмаслиги талаб қилинмоқда.
Аслида бу мазмундаги қонун Индонезия, Малайзия, Судан, Мавритания, Сомали, Саудия Арабистони, Эрон ва яна айрим давлатларда ҳам мавжуд.
Имом Абу Ҳанифа раҳматуллоҳи алайҳ қуруъни ҳайз деб таъвил қилган. Шунга биноан, ояти каримадаги «қуруъ» калимаси «ҳайз» деб таржима қилинган. Агар аёл ҳомиладор бўлса, бола туғилгунича кутади. Бу талоқ қилинган аёллар учундир. Эри вафот қилган аёл эса тўрт ою ўн кун идда ўтиради.
“Мўминалар” журналининг 2026 йил 4-сонидан