Ҳиндистон: масжиддаги шифохона барча дин вакилларига хизмат қиляпти
Ҳиндистоннинг Ҳайдаробод шаҳридаги “Мустафо” масжидида аёллар ва болалар учун масжид очилди. BusinessWorld нашрининг хабар беришича, бундан кўзда тутилган мақсад коронавирус пандемияси даврида аҳолига ёрдам кўрсатишдир.
Шаҳардаги Helping Hand Foundation деб аталувчи нодавлат ташкилот “Мустафо” масжиди раҳбариятига мурожаат қилиб, масжид ҳудудида бепул шифохона очиш учун рухсат сўраган. Имом Абдуллоҳ эса иккиланиб ўтирмай бунга рози бўлган.
“Аниқлашимизча, атрофдаги кўпгина аёллар ва болалар бир қатор жисмоний муаммоларга дуч келишяпти, давлат касалхонаси эса бу ердан 8 километр узоқликда жойлашган. Кўпчилик оғир меҳнат қилса-да, топган пули йўлга ва тиббий харажатларга етмайди”, – дейди ташкилот вакили Муҳаммад Фаридуллоҳ.
Имом Абдуллоҳнинг айтишича, одамлар коронавирус туфайли оддий касалхоналарга мурожаат этишга қўрқиб қолган, масжиддаги шифохонага эса шубҳаланмай келишяпти. Шифохона барча дин вакилларига хизмат кўрсатяпти.